Die 2020 netbalseisoen het op ‘n hoogtepunt afgeskop met die 0/12 en 0/13 netbalspanne wat tydens die Odensia Aandreeks deurgedring het na die onderskeie finales. Ongelukkig is die finale a.g.v COVID-19 regulasies gekanselleer en kon ons dogters nie verder deelneem nie.

In die eerste kwartaal het die personeel ‘n skeidsregterskursus bygewoon en ons kan met trots sê dat 10 van ons dames met Provinsiale graderings spog. Op 2 en 3 November het ons afrigters en leerders ‘n kursus bygewoon wat deur Erin Burger en Anchen Nel aangebied is. Baie nuwe vaardighede en oefeninge is aangeleer. Ons sien met groot opgewondenheid uit na die 2021 seisoen.